|
Bee基都算係健談人，但點健談都好少會無端端同唔識人搭訕，不過早幾日Bee基都頂唔順搭兩個哥仔談話內容，狠狠咁搭訕幾句！話說當日約一位觀塘區做OL靚女食午飯，Bee基為免靚女等位辛苦，惟有早近一個鐘去搵位。
Bee基冇做望餐廳部大電視，正度播緊財經新聞。當報道十大活躍港股、豐130幾蚊陣，坐Bee基左手邊位四眼哥竟然話：「豐我慘呀！」Bee基第一個反應就係：「咿？同道喎！我都好慘呀！」整鬼佢跟住再講：「我入幾次個位都唔靚，最靚陣都係113蚊……唉！」佢唔唉尤自可，一唉Bee基就把幾火，忍唔住第一時間笑住搭訕：「慘？113你嗌慘？我146都未嗌慘呀！你唔驚畀人打呀！」隔籬左右聽到Bee基咁講，有人大笑、有人唉得好大聲、亦有人安慰Bee基146都唔使驚，因為上年150陣仲入貨大有人在，等就可以望見家鄉！
馬會調低克魯主勝
Bee基股壇失意，惟有繼續寄望賭波，可惜今個星期六足智彩大部分波，開主客和價位都跟到歐洲莊家好貼，唔係咁易搵到信心強場次。叫做有信心，就係克魯對修安聯英甲波。修安聯近九場聯賽六勝三和，積分榜排第五；克魯排二十，上場仲要作客輸埋畀仲衰盧頓，兩隊排名同近況差好遠，所以歐莊們都傾向睇好作客修安聯一，歐洲平均賠率主2.86倍、和3.2倍、客2.23倍可以參考。但係足智彩主客和分別係主2.7倍、和3.25倍、客2.25倍，唔通係睇好主隊有分落袋？無包生仔，但係Bee基就會玩少少受讓平半主隊喇！ 温馨提示：直接搜索“901”可以快速找到本站，获取更多精彩分析
|
