史浩克搶攻明益巴塞

歐冠盃八強今晚上演次回合比賽，一戰定生死。上周作客有點運氣下，藉着十七歲小伙子克傑門前執雞，以一比○擊敗史浩克○四佔得先機的巴塞羅那，次回合返回主場，贏面更高。輸一球的史浩克今仗只有進攻一條路可行，確實該支德甲排名第二的球隊亦是極為進取的球隊，對歐冠盃亦有一定期望，陣中的古蘭恩、艾沙莫亞、H艾天托、拿傑迪等都係有質素的攻擊球員，首回合若果唔係冇運，史浩克不致於要輸波。

但話說回頭，史浩克首回合得主場之利，贏勢輸波固然可惜，但作客到魯營球場，若然繼續以攻代守，相信只係自取滅亡，因為巴塞羅那響自己地頭的威力真係好強，即使朗拿甸奴、美斯受傷缺陣，但亨利、伊圖、克傑、沙維及恩尼斯達等球星都唔係講笑，尤其亨利、克傑和伊圖都係擅打快速反擊類型的前鋒，沙維和恩尼斯達的穿針引線能力更係一絕，以快打快，史浩克所佔便宜有限，分分鐘急於收復失地下被巴塞羅那打個措手不及，所以講多無謂，都係捧巴塞羅那可以一勝再勝。

推介：巴塞羅那勝2:0