唔返工又有糧出，係好多人夢想。早排好多「紅日」，我Office班OL成日去Shopping就不知幾開心。但點都唔及「細哨」朗拿甸奴，無心戀戰佢，畀巴塞「證實」因傷要提早收咧，「得償所願」正牌放大假等離隊，打工打到佢咁歎，真係夫復可求！
巴塞都習慣細哨不在陣中日子，都冇咩話影唔影響囉。上周聯賽贏唔到基達菲只屬欠運，經過周中歐聯贏波晉級沖喜，今晚對住下游球隊維爾瓦，相信可以全取三分。
做「細哨」固然開心，不過好似AC恩沙基，遇到個信任佢、肯畀機會佢練，其實更值得高興。所以上仗佢傷愈復出，搏晒命咁攻入兩球，尤其第二個入球簡直係搏到「無得頂」，作為報答練安察洛堤最好禮物。今晚作客當日放棄佢祖記，希望恩沙基再有入波，再次證明祖記當年係幾咁冇眼光！
推介：巴塞隆拿、AC米蘭