|
上周中足協盃八強次回合拜仁慕尼黑去西班牙鬥基達菲，邊個諗到拜仁會加時仲落後兩球下先扳平，搞到要憑作客入球優惠晉級咁狼狽？由此可見，拜仁都唔易估！今晚德甲，拜仁返主場對同樣飄忽多蒙特，都係睇直播算數。小妹今次推介利華古遜主場對史特加，要利華上盤。（周日晚11時開賽）
出戰歐洲賽事德甲球隊中，淨係拜仁可以留低，史浩克04歐聯同利華古遜足協盃都係八強止步。利華次回合以一球贏辛尼特，雖然最後都出局，不過話晒終止四連敗頹勢，球員個心都定番，依家就要以繼續贏波振奮士氣，若果今場清脆擊敗史特加，相信氣勢可以返咯！
爭玩歐洲賽有鬥心
利華上周中場足協盃，其實練史基比已刻意派大量副選出戰，畀基卡斯、巴巴斯同傑斯寧等一眾主力抖一抖，今晚可以盡情搶分，由於仲有力爭取下屆歐洲賽資格，拚勁唔使懷疑，加上有主場，小妹對利華都好有信心。
史特加上場主場對漢堡，梗睇好主隊台戲啦，不過今次作客咯喎，都係No喇！史特加今季聯賽十三場作客，只取得四勝二和七負，當中四勝有三隊對手屬護級球隊，兩次和局，就係中游球隊度番一分，今次遇強隊分分鐘即時玩完！ 温馨提示：直接搜索“901”可以快速找到本站，获取更多精彩分析
|
