|
今晚英超另有一場中上游球隊對決，曼城主場對樸茨茅夫，近期有傳曼城老細他信有意辭退頭艾歷臣，對球隊士氣帶來負面影響，加上佢季內已經冇乜目標，戰意難免差。樸茨茅夫保持勇態，連續四場冇失波，中後場守得夠穩，今仗受讓平半要下盤！（now 632周日晚上11時直播）
樸茨茅夫打入英格蘭足總盃決賽，班球員要爭取表現，希望有機會決賽打正選，所以人人都會保持高度集中力。
目前樸茨茅夫仲有得爭足協盃席位，戰意肯定比曼城好，佢近四場賽事保持不敗，而且一球不失，中後場球員愈踢愈好，今次對住正處頹勢曼城，預計可以不敗而回，受讓值得捧場。另外，曼城攻力弱，樸茅守得穩，今場開細機會亦好高。
曼城士氣差戰意成疑
曼城季初頭威頭勢，但下半季成績已慢慢回落，早前有傳老細他信唔滿意球隊成績，有意季尾請艾歷臣食無情雞。消息傳出後，對大軍肯定有負面影響，因為陣中班新兵由艾帥買入，依家阿頭前途未卜，班兵驚保唔住飯碗，士氣肯定低落。上場球隊作客二比一勝新特蘭，但其中一球係問題十二碼，贏得冇乜說服力。
曼城季尾冇乜爭，佢數字上仲有機會爭歐洲足協盃入場券，但機會好渺茫。球隊已開始為下季作出部署，等緊今夏買人重組，希望可以進一步提升成績。依家就快收咧，球員心態難測，好難畀到人信心，主場讓波冇數。 友情提示：直接搜索“901”可以快速找到本站，查看更多精彩足球分析。
|
