日職名牌浦和紅鑽季初演出飄忽，不過，今周球隊造訪京都不死鳥，有力省靚招牌。不死鳥上周輸波輸品，共有三名球員被逐，連�☆^加藤久都衰多口畀人趕埋出場，今仗三大主力連同阿頭齊齊坐波監，情況惡劣，主場出擊都信唔過，要客Ｗ！（周六下午3時開賽）

不死鳥上場不敵新潟天鵝，本來輸波唔緊要，衰在愈踢愈躁，守將薛迪利、增島龍也同中場阿達利巴先後領紅被逐，�☆^加藤久不滿球證判決，作出激烈抗議，結果做埋紅牌阿姑，最後場波輸埋，正宗賠了三分又折兵。不死鳥季初勢頭唔錯，但今場上述四位仁兄都要做觀眾，演出隨時走晒樣。  

永井雄一郎�诛w  
 
紅鑽季初表現同樣欠穩，聯賽四連勝後，上仗�鯃斡翊颡芡�大宮松鼠打成平手，累到唔少捧場客損手。目前隊中有唔少傷兵，中場重心鈴木啟太抱恙，射手高原直泰右膝有傷，加上邦迪同三都主等長期傷將，戰鬥力確係大打折扣。高原直泰日前已復操，但佢今季重返日職後狀態低沉，真係唔出好過出。

早前日本國家隊進行短期集訓，紅鑽射手永井雄一郎表現搶鏡，成功取得一個士哥，演出大獲好評，論名氣佢唔及高原，但踢落夠晒實用。紅鑽今季日聯盃兩戰不死鳥皆和波，今次趁住對手人腳唔齊，有望贏番場挽回面子。