|
睇住漢堡由季中一度威脅拜仁聯賽榜首位置，到目前連前三都隨時保唔住，真係戥佢可惜。最近五場聯賽不勝，對漢堡士氣都有好大打擊。今晚硬碰史浩克踢關鍵戰，唔好怪我跟紅頂白，漢堡讓平半，一於捧狀態回勇史浩克04下盤！（有線61周六晚9:30直播）
漢堡最近成績低落，進攻唔掂係最大問題，佢已經五場不勝，近三場食白果之餘，連續兩輪主場對住護級比勒費爾德同杜伊斯堡，竟然夾埋都係得一分！講真，漢堡淪落到呢個田地，同陣中靈魂雲達華治傳出會季後離隊有關係，事關球隊主力眼見隊波有成績都要喊走，絕對會打擊其他隊友士氣，咁搞法，隊波唔沉先奇喇！
漢堡連弱旅都搞唔掂
最明顯例子，除前文所述，連續兩輪主場對弱旅都失分之外，仲有就係防線不穩。有睇直播朋友都應該知道，每當漢堡攻唔掂時候，好多時都會畀對手突然個反擊得手，近排連番失分畀弱旅，正正係呢個原因。今場對手仲要係有古蘭爾壓陣、排第三史浩克04，以漢堡最近四季主場只贏過史浩克一次紀錄，憑咩去讓對手平半先？
史浩克搶分爭入前二
史浩克上輪作客雲達不來梅雖然大敗一比五，但其實場波之前，佢先歐聯作客魯營同巴塞硬拚，體力不繼輸波，算係情有可原！其實今季史浩克聯賽作客成績僅次於拜仁排第二，踢足十四輪都只係輸過三場，作客不敗率有八成咁高。今鋪佢只要能夠維持作客攻守平衡風格，新練魯頓帶領下對住頹勢漢堡，搶分爭入前二梗無問題啦！ 友情提示：直接搜索“901”可以快速找到本站，查看更多精彩足球分析。
|
