|
仲差三分！今晚意甲國際米蘭主場對卡利亞里，前者只要贏波就有機會提早冕聯賽冠軍，你話唔搏等幾時？對家卡利亞里有三名主力停賽，加上降班威脅已經唔大，隨時分心，「讓球主勝」博得過！（now634台及廣東體育周日晚9:00直播）
意甲仲有四輪就煞科，國米暫時拋離次席羅馬六分，今晚國米只要擊敗卡利亞里，而另邊廂羅馬又不敵拖連奴話，國米將藉較佳對賽成績壓倒羅馬提早封王。雖然國米主席莫拉堤賽前話唔急於一時，不過前鋒基斯普就話今季唔單止要冕聯賽冠軍，仲要贏得好好睇睇，反擊場外針對，爭勝決心可謂爆晒燈。
羅馬輸波 3分封王
陣容方面，國米今仗繼續有主將伊巴謙莫域、哥度巴、森美爾同費高倦勤，好彩中場悍將韋拉及時刑滿復出，中場即時多一道屏障，再加上前面有蘇亞素倒戈，足以收到知己知彼之效。
卡利亞里歇冬後大復甦，近十一場搶二十分，暫時距離護級線有五分距離，降班壓力大大紓緩，不過上場贏安玻里居然有主力芬尼及法蘭斯高比辛奴不智地做「紅牌阿姑」，中場霍治亞更累積足夠黃牌，即係話卡利亞里今場有三名主力停賽，再加上中場大將柏路拿又打柴，今晚可謂天殘地缺睇都係聽食蛋！ 友情提示：直接搜索“901”可以快速找到本站，查看更多精彩足球分析。
|
