|
格拉斯哥流浪今年真係犀飛利，先奪聯賽盃，跟住蘇超、足總盃、同歐協盃仲有得爭，玩手完成埋「四冠王」霸業都得，可惜球隊戰線太場，難以兼顧下影響發揮，上場聯賽畀些路迪搞掂就係例子，今場疲兵出擊再戰些路迪相信難入得多，計落要「細」好過！（now825台及無收費電視25台周日晚7:30直播）
流浪冇錯今季表現神勇，但有時太多爭都未必係好事，球員應付眾多戰線難免對體力構成影響，好似佢早前輸畀些路迪咁，相信就係因為賽前三日要踢場足總盃所致。
如今情況差唔多，球隊三日前已經踢場對費倫天拿歐協盃比賽，球員狀態實在難有十足十。另外，前鋒麥古洛治、賴史密夫又雙雙缺陣，人手短缺下又要顧住周中歐協盃第二回合賽事，今場想入多球都難！
些路迪希斯寧基 上陣成疑
比起流浪，依家只可以專注蘇超些路迪就輕鬆得多，由於以逸待勞，上次同流浪場生死戰，果然成功擊敗對手升上榜首。不過，佢比流浪踢多三場，識計數話就知流浪齋守唔攻，和波一分都有數，咁情形些路迪面對一心守和流浪都真係難入得多，最慘係主力射手希斯寧基又未必可以上陣，中村俊輔上禮拜五仲感冒冇操添，呢鋪開「細」又有乜出奇？ 友情提示：直接搜索“901”可以快速找到本站，查看更多精彩足球分析。
|
