【明報專訊】奧運聖火將5月2日在香港傳遞，即使唔係撞正「紅假」，相信單係記者同保安都已經迫爆灣仔金紫荊廣場。祖國搞奧運，香港人又係時候順道燃點愛國心，不過其實除奧運外，今年本地同國際體壇都有唔少盛事。

好似南華邀請祖雲達斯同曼城下月來港踢邀請賽，祖記話晒都係老牌意甲班霸，不過今次陣容同3年前來港鬥傑志相比，又係以「金童」迪比亞路、尼維特同查斯古特做賣點，其他配菜仲好似弱。初初南華話明一班歐洲球星去完香港再踢歐國盃，周師奶一心期待近距離接觸型男門神保方，點估到佢繼2005年後又一次同香港冇緣！寶刀未老迪比亞路近期入球停不了，一向喜歡發動群眾力量意大利傳媒再次向國家隊主帥鄧納東尼施壓，而且周師奶最關心係如果迪比亞路入選歐國盃大軍，祖記咪連最有號召力一員都唔�a香港？

回想7、8年前，祖記都曾經同拉素為爭錦標鬥個你死我活，而家兩隊星味銳減都真係不勝唏噓！拉素今季都冇乜爭，但遇強隊都盡顯攔路虎本色，有力祖記身上拎回1分保面子。

■周師奶推介

星期日15 祖雲達斯 Vs 拉素

主客和：和局(3.75倍)