|
雖然話連爭奪第二機會都唔大，不過阿仙奴今晚英超獨腳戲作客魚腩打比郡，要大勝一場全取三分，相信唔會有乜阻滯。事實上，包括新仔丹尼遜同法比安斯基都已經被領隊雲格委以重任，今仗要爭取表現上位，生牯仔冇留手，「綿羊仔」都係等格，一於博「讓球客勝」啦！（now632台周二凌晨3:00直播）
今場波表面睇可以話係例行公事，阿仙奴想爭亞軍要寄望奇，先係車仔最後兩場都贏唔到波，佢自己又要贏晒。至於話要保住季軍位，睇利物浦依家專心歐聯，根本都冇乜心同佢爭。打比郡方面，排包尾落後幾條街，開季到依家踢三十五場先贏得一場，輸波都輸到慣，主場都唔慌會特別搏命。
不過，阿仙奴雖然唔使為三分去搏，但班球員就肯定要為上位機會搏命。眾所周知，雲格最鍾意起用後生仔，依家季尾三場波，佢已經話明會畀部分邊緣球員落場玩，其中為佢把守大門波蘭小將法比安斯基聯賽盃已經證明身手唔差；仲有巴西中場丹尼遜，又係一個能傳擅射之輩，再加埋諸如賓特拿同禾確特呢幾個已經踢過唔少大賽一線新人，對住打比郡班英冠質素球員，要贏波易如反掌！
打比郡4虎缺陣
唔計太遠，打比郡今季先重返英超，首循環作客去到阿聯酋航空球場，結果係淨吞五蛋而回，實力實在差得太遠，今晚仲要有包括中場大鍾斯、基里斯班尼斯、後艾禾菲及哥迪戴維斯齊齊缺陣，實力再打折扣，輸兩球都要還神慶祝啦！ 友情提示：直接搜索“901”可以快速找到本站，查看更多精彩足球分析。
|
