拜仁破“堡”不易

唔聲唔聲嚇你一驚，講緊就係打入足協盃四強的俄羅斯球隊聖彼得斯堡，呢支在俄超祇係排第十、今季主場又未贏過的球隊，竟有本事同頂頭大熱的拜仁爭決賽權，而且處於有利位置，有一個作客入球兼且主場之利，俄羅斯的天時地利人和，足以令到拜仁要陷入苦戰。

拜仁周日大勝史特加，繼聯賽盃、德國盃之後，再穩奪聯賽冠軍，可專心一致爭取四冠王的尾關，不過，首回合祇能與對手打成一比一平手，今晚要過呢一關確有一定隱憂，初盤要讓平手 / 半球，推介主隊聖彼得斯堡。

聖彼得斯堡陣中有唔少好波之人及國腳級球員，包括韓國孖寶李浩及金東進，而好波之人必數阿根廷前鋒杜明基斯、施恩洛夫及天莫舒卓克，即使射手艾沙雲停賽，但有淘汰維拉利爾、馬賽及利華古遜等歐洲名氣球隊的經驗，拜仁如再輕視對手的話，分分鐘爆冷出局。盧斯奧的烏龍波令到拜仁處於不利局面，但以球隊人腳級數，確有足夠贏波本錢，今仗拜仁必定要爭取入球，但作客搶攻，其實相當不利，因穩守突擊屬於聖彼得斯堡的強項。

推介：和波1：1