歐洲足協盃四強次回合賽事，費倫天拿返主場迎戰格拉斯哥流浪。兩軍季尾搏到謝晒，首回合互交白卷，今場必然小心翼翼作戰。流浪�☆^禾達史密夫係防守大師，球隊降格踢足協盃以來七戰全部開「細」，睇怕今次唔會例外，一於再追細盤。（有線足球台61周五凌晨2時45分直播）

今屆流浪於歐洲賽表現令人驚喜，老帥禾達史密夫擺明得一套戰術，不論主場定客場，總之獨沽一味打穩守突擊。蘇豪一向至憎悶蛋足球，之不過流浪實力拍埋士砵亭同雲達不來梅等對手差一截，想以弱勝強惟有打龜縮戰術，事實證明呢招的確使得，上述兩支球隊牌面上風，但都先後畀流浪擯出局。  

流浪龜縮悶死對手    
 
 流浪降格踢足協盃後踢過七場波，結果全部開「細」。球隊上仗主場守和費倫天拿，踢得非常被動，今場門將麥基哥同麥高洛治因傷缺陣，防線老將華亞傷埋，基斯甸戴利將夥拍古拿扼守中路。流浪近排聯賽、蘇足盃同足協盃場場搏到盡，今次人腳不整，將會保守態度作戰，務求悶死對手。

梅度孤掌難破密集  
 
費倫天拿�趼撡愴斪�AC米蘭力保歐聯資格，上周對住森多利亞去得好盡，但完場前畀對手逼和，嚴重打擊士氣。球隊有唔少年輕球員，活力唔使懷疑，不過後生仔經驗唔夠，往往唔識留放搏到過晒龍，去到季尾好擇使。另外，大軍前線太倚重梅度爭取士哥，攻勢過分集中，好難撕破流浪密集。

前晚歐聯曼聯主場對巴塞隆拿，雙方首回合「窿窿」完場，結果兩支擅攻球隊�醮位睾隙紓S得一球交收。今場足協盃四強次回合賽事格局基本上相同，估計兩軍會踢得好保守，入球數字一球起、兩球止，細盤值得一試。