|
上個禮拜德甲Super Friday亮相多蒙特，今周又被編星期五比賽，唔講唔知，原來多蒙特今季周五出戰未嘗一敗，撞練杜爾正力爭贏波保飯碗，今晚對住無能練尹希臣帶領紐倫堡，為護級搶分，戰意一定高，多蒙特讓平半，一於要上盤！（有線61周六凌晨2:30直播）
前歐聯盟主多蒙特今季表現差強人意，但原來呢班波今季禮拜五獨腳戲出戰卻零舍醒神，累積踢五場賽事，總計獲三勝兩和未嘗一敗。
除以上數據值得參考，事實上多蒙特今仗都有爭分必要，首先多蒙特主帥杜爾帥位正危在旦夕，雖然賽前獲體育經理華斯基大派定心丸，表示會全力支持佢，但贏波始終先係杜爾最佳還魂丹，再講多蒙特上個禮拜五幾經辛苦作客逼和法蘭克福一比一，今晚對住紐倫堡呢場六分波護級戰，根本冇失分空間。
紐倫堡主帥唔識變通
上季德國盃盟主紐倫堡暫時以二十七分排第十六位，護級形勢惡劣。其實呢班波本身人腳唔錯，衰在有個無能練尹希臣，上場主場大好形勢領先比勒費爾德兩球，到最後都竟然畀人逼和，前鋒維迪同真高拿全場踢到無晒影，賽後被kicker網站分別狠評得4.5同3.5分（分數愈低表現愈好），但尹希臣死都唔換佢出場，最後全場一個人都冇換過，可見佢根本完全唔識變通，加上中場發電機米斯莫域仍未傷愈，睇怕紐倫堡呢三分都係凍過水！ 友情提示：直接搜索“901”可以快速找到本站，查看更多精彩足球分析。
|
