|
德甲到最後四輪，由於最前拜仁帶到離行離列，九成九袋穩個神盾，其他球隊只好爭第二至第五名，所以剩低兩個歐聯席位同兩個歐協盃席位都爭得好刺激！史特加上星期作客輸畀拜仁，如果佢想重返前五，今晚面對法蘭克福就不容再失！史特加假假都係上季冠軍，識諗喇！捧主勝啦！（有線62周六晚9:30直播）
法蘭克福上星期五同多蒙特踢成一比一，陣已經睇到佢或多或少都帶「Hea」住踢味道。畢竟球隊目前有四十三分在手，距離降班區有成十六分咁多，降班點計都輪唔到佢啦！
法蘭克福上岸繼續Hea
冇錯，法蘭克福仲有機會爭踢歐洲賽，不過睇番個積分榜，佢要打上前五，就要有限四周比賽收復同利華古遜、漢堡及史特加五分差距，難度未免太高。加上佢自己知自己事，論實力同班底，根本就唔足以應付歐洲賽。既然上星期主場都冇搏，今場作客，自然更加唔會去到盡。
相反，史特加唔計上星期慘敗畀拜仁場，近況其實相當唔錯，特別係主場已經直落連贏五場，所贏對手有漢堡同雲達不來梅呢前列分子。以呢個氣勢推斷，今晚佢絕對有權到主場六連勝。再睇埋對賽，雖然史特加近兩季主場都贏唔到法蘭克福，但原來近兩次作客都大炒對手！趁住法蘭克福季尾無心戀戰，今晚主場一於炒多鋪，熱熱捧個1.5倍W，穩陣！ 友情提示：直接搜索“901”可以快速找到本站，查看更多精彩足球分析。
|
