米蘭打吡要國米

意甲今晚一場米蘭打吡大戰可以話各有所求，AC要爭歐冠外圍賽參賽資格，國米就希望提早登基，所以今仗兩隊所謂“世仇”一定冇面畀，大戰一觸即發。初盤AC要讓平手／半球，相信都係主場原因，但其實以兩隊實力，根本讓唔起，講整體實力、體能、球員個人技術及後備，基本上都係半斤八両，或者國米會稍為佔優，所以受讓的國米可以捧場。

無可否認，AC今季的而且確係最失敗的一季，如果連下季歐冠都冇份參賽，就真係“失禮死人”。球隊最大弱點就係“老化”兼且踢法單調，陣式及戰術毫無變化，而且太過依賴卡卡的個人表現，所以卡卡演出好與壞，足以影響球隊發揮，防守方面，由於過份老化關係，以往AC最穩健的防守足球已經冇晒影，亦都係今季成績大倒退原因，至於今晚遇到老對手國米，實在睇唔出有任何贏波本錢，真係和波當你贏。

國米目前領先羅馬六分，餘下三場比賽只要攞四分就可以封王，所以球隊必定會積極爭勝，近三次聯賽碰頭，國米都能夠打敗死敵AC，贏波信心都已經佔優。

推介：國際米蘭2：1