四大聯賽之外，講真Sugar認識唔多，不過賓菲加呢支葡超球隊，就有唔少大家都好熟悉球星度，好似雷哥斯達、紐奴高美斯都好鬼Man，佢上星期二比○贏比蘭倫斯場，個個球員技術、體能同速度都高出一般葡超球隊唔只一線，我諗除波圖之外，其他球隊見到佢都會被嚇窒。
眾多賓菲加球員之中，最搶鏡肯定係雷哥斯達，老得仲Keep到好型仔，仲要好腳法添，日前更加畀里斯本政府封佢做榮譽市民，有「雷老哥」度扭波射波，想贏少球都難啦！我知道賓菲加依家爭緊參加下季歐聯，鬥心一定好，今晚作客艾馬多拉，一於買「讓球客勝」搵餐下午茶錢先！
推介：賓菲加