|
荷甲今晚續演一場歐聯外圍賽附加賽，阿積士主場鬥海倫芬，海倫芬首回合落後一比二，為收復失地作客一定照攻，兩隊今季平均每場入球數字都在兩球以上，駁起火上唔係人咁品，大細中位數調高至3.5球都要續追「大」。（now 826周二凌晨2時15分直播）
熟悉荷蘭波朋友，都知道阿積士同海倫芬一向以攻力強勁見稱，兩隊波今季三十四場聯賽分別射入九十四球同八十八球，每場平均起碼入兩球，係聯賽入波最多頭一、二位球隊。
兩軍碰頭例演入球騷
首回合碰頭大細中位仲係2.5球，結果真係開三球，可能會有球迷大呼好彩，不過羅賓唔會咁諗，始終2.5球入球大賠率一定較低，站在博彩立場並唔抵玩，反而調至3.5球仲胃口。海倫芬首回合輸一比二，今次作客一定會更主動搶攻，睇番兩隊近三次阿積士主場交手，總入球最少有四球，兩軍一旦對攻入波必多。
勝方決賽鬥川迪
賽制方面，兩回合計總比數打和將計算作客入球優惠，仍未分勝負則加時三十分鐘，加時亦計作客入球，再和則以互射十二碼決勝。今仗勝方會同川迪於決賽爭逐一張下季歐聯外圍賽入場券；決賽負方就會到足協盃參賽資格。今場輸波隊下仗會對NAC，勝方可以到足協盃資格；至於輸波隊就會同七至十名附加賽勝方，爭逐餘下一張足協盃入場券。
阿積士上季曾經同階段歐聯外圍賽附加賽淘汰海倫芬，最後取得歐聯參賽資格，今次大有機會歷史重演，海倫芬都係踢足協盃喇！ 友情提示：直接搜索“901”可以快速找到本站，查看更多精彩足球分析。
|
