|
日職今日又開快車，「一哥」浦和紅鑽主場迎戰包尾大幡千葉市原。市原戰績曳到極，頭古斯心都淡埋，賽前話今場再輸就辭職，揚言會以「超攻擊」陣式出戰，但此舉等同遞定信，皆因紅鑽近況回勇，客軍亂攻找死，主W夠穩，「讓球主勝」亦捧得過！（周二下午3時開賽）
紅鑽上場造訪神戶勝利船被對手逼和，但計點數贏晒，射手高原直泰狀態漸起，拍住艾美臣同永井雄一郎極具侵略性，對手是但走漏一件都死得，中場平川忠亮上場勇戰傷腰，預計要抖一個月，指揮官鈴木啟太亦未必踢得，不過，守將田中莉王改任中場後效果理想，既能增強攔截力，亦可發揮其進攻天分，又多瓣入波板斧。
FC東京主場捕鯨
市原開咧後十戰錄得兩和八負劣績，主帥古斯到冇晒癮，賽前已向傳媒表示，如果今場再輸就唔撈，表面為引咎辭職，實際係想脫苦海。古斯透露今仗將以「超攻擊」陣式爭勝，預計會改踢三箭頭，以卷誠一郎作中鋒，由兩個輔鋒支援，擺明想豁出去。不過，紅鑽最叻打突擊，市原搶攻正中下懷，以大敗收場絕對唔奇！
同日FC東京主場迎戰名古屋鯨魚，東京季初表現對辦，目前位列聯賽次席，演出非常穩定，上場作客贏大宮松鼠輕鬆到爆，回師主場威力更強。鯨魚虛火已過，最近連輸三場，今仗哀兵造訪東京難偷雞。主隊聯賽主場未輸過，今場平手盤有「坐走望贏」之力，值得捧場！（now 633周二下午2時直播） 友情提示：直接搜索“901”可以快速找到本站，查看更多精彩足球分析。
|
