今個周中非常熱鬧，去到季尾幾個聯賽開快車，加埋盃賽好多波玩，不過，真正值得搏殺場合並唔多，今日意大利盃、法國足總盃同南美自由盃等變數多，出擊切忌揀呢類賽事。肥叔集中火力專攻西甲，心水場次係華拉度列下盤。（周四凌晨２時開賽）
華拉度列今晚作客貝迪斯，賽事中立場進行。目前華拉度列仲要護級，佢同尾三奧沙辛拿差兩分，稍有差池隨時降班，所以現階段場場都會搏，鬥志唔使懷疑。相比之下，貝迪斯形勢相對較佳，今場失去主場優勢，輸埋絕對唔奇，依家仲要讓平半，真係好蝕底，下盤捧得過！
華倫搏命信得過
另外，華倫西亞會主場對薩拉戈薩，呢場係正宗六分波，兩隊名牌球隊季尾淪落到要護級，華倫上場大敗畀巴塞睇落好似好曳，但肥叔認為佢係揀波踢，留番今場全力搏殺，佢班底好過對手，搏命波信得過。
同日仲有兩場前列對決，矚目大戰皇家馬德里主場對巴塞隆拿，皇馬雖然已經捧盃，但係對住死敵絕對唔會留手，依家飛數都對辦，上盤值得一試。另外，桑坦德主場一向可靠，依家佢爭緊歐聯席位，對住作客蟲西維爾贏得，平手盤值博！