|
意大利盃四強次回合賽事，卡坦尼亞主場對羅馬。羅馬聯賽爭標機會唔大，為避免兩手空空，肯定唔會放過呢隻盃仔。卡坦尼亞護級大過天，首回合落後一球，返主場要追唔易，一於捧番客W！（now 633周五凌晨3時直播）
羅馬聯賽落後國際米蘭三分，餘下仲有兩周賽事，睇落仲有得追。不過，由於佢對賽成績不及對手，國米周日只要主場贏錫耶納即可封王。羅馬聯賽奪冠機會極微，如果想捧盃，最好都係揀番意大利盃，雖然代表性唔高，但最少可向球迷交代，所以今場戰意唔使懷疑。
煞科戰望羅馬留情
隊長托迪已經提早收咧，羅馬將倚重文仙尼作進攻重心，巨高唔排除佢會派出莫路艾斯普薛圖、阿古蘭尼及古利等後備球員落場，不過呢班二線兵本身質素唔曳，難得有機會落到場，實會醒醒定定交足貨，就算來季球會爭唔到正選，至少希望可以搵到好人家落腳。
卡坦尼亞現時位列聯賽榜尾四，僅比尾三帕爾馬多一分，護級形勢非常危急。球會正全力護級，餘下兩場聯賽不容有失，首回合落後一球，與其浪費體力收復失地，倒不如留番聯賽搏命好過。佢煞科戰會再對羅馬，如果今場乖乖讓路，到時隨時有人幫番手送三分，今場秤先客隊數。 友情提示：直接搜索“901”可以快速找到本站，查看更多精彩足球分析。
|
