|
今晚荷蘭有兩場足協盃資格附加賽，羅賓捧兩支主隊海倫芬同奈梅亨。海倫芬今仗雖有主將米高巴特利停賽，但對手NAC仲大劑，前中後三線都有主力缺陣，比較之下海倫芬自然影響較細。另一仗由近十一場比賽獲十勝奈梅亨對格羅寧根，前者狀態大勇，佔主場穩勝。今晚兩場附加賽都關係到下屆足協盃參賽資格，海倫芬對NAC勝方可直接取得參加資格，負方就會同奈梅亨對格羅寧根勝方爭奪最後一張足協盃入場券；如果連呢張足協盃入場券都落空，都仲可以到圖圖盃參賽資格。
海倫芬戰意勝NAC
NAC上圈對住川迪，兩回合共畀對手大炒一比八，戰意好有問題；而且佢今仗有前鋒施高拉、中場朗尼史譚同後防美迪利加停賽，實力大為受損。相反海倫芬上圈力戰阿積士而敗，輸波只怪技不如人，雖然佢今場都有首席射手米高巴特利坐波監，但受影響情況輕微，今仗有主場之利可睇高半線。
奈梅亨可挫格羅寧根
另一場奈梅亨主場對格羅寧根，奈梅亨係季尾狀態最弗荷甲球隊，連附加賽在內，近十一場比賽取得十勝一和；記得今季聯賽兩循環雙方碰頭，兩隊分別自己主場同以五比一大炒對手，反映兩者出戰主場賽事優勢非常明顯。有見及此，羅賓今場推介當頭起奈梅亨數。 友情提示：直接搜索“901”可以快速找到本站，查看更多精彩足球分析。
|
