史特加往績好必割「禾」

爭踢下屆歐洲足協盃

禾夫斯堡於德甲聯賽主場迎戰史特加，兩隊為爭奪來屆歐洲足協盃參賽席位，今仗均必定全力以赴，禾夫斯堡雖佔主場之利，但史特加往績佔優，睇好史特加今仗有望作客贏波。 （球賽編號：星期六22　開賽時間：今晚9時30分）
 
禾夫斯堡作客以3：2力克法蘭克福，近三仗取得一勝二和不敗戰績後，以32戰得48分位列聯賽榜第七位，仍然保持爭取歐洲足協盃入場券的機會。不過，原來禾夫斯堡主場戰績只屬平平，近10次主場作賽，成績只是三勝六和一負，故此今仗即使有主場之利，亦不宜過分高估禾夫斯堡爭勝機會。

上屆德甲聯賽冠軍史特加，今屆戰績一直未如理想，不但早已宣告衛冕失敗，上仗作客以2：3不敵多蒙特，更連歐洲足協盃席位也未必保得住。史特加近期表現無疑較為反覆，近六仗成績三勝三負並呈現「單跳」現象，若然信盤路的話，上場輸完則今仗可追。雖然史特加已經連續五場作客未贏過波，但今仗隨時可以作客贏波，因為史特加近六次作客禾夫斯堡，錄得四勝一和一負完全佔優，所以今仗亦有力贏波而回。 文：傑思

今仗重點推介：史特加不但對賽佔優，作客禾夫斯堡往績亦甚佳，決博史特加贏波開出客W。