波圖聯賽七連勝後，上周終於畀國民隊終斷連勝紀錄。當日波圖雖然有主場之利，但表現卻嚴重失準，全場處於下風下輸○比三。賽前波圖聯賽主場勝出率高達九成三，奈何現實表現與數據不相符，估計與球員出現鬥心危機有關。周末煞科日波圖將會作客拿華，以上周表現推斷，波圖再度失分可能性頗高，「讓球主勝」值得捧場。（周日凌晨２時45分開賽）
葡萄牙盃鬥士砵亭
其實波圖蟬聯葡超冠軍後，幾場聯賽仍未有放軟手腳，亦曾有多次大勝對手紀錄。不過去到上星期就出現變化，似乎球隊已經「唔要」聯賽，而球員積極性亦比以往有好大分別。
另一方面，波圖仲要應付今季最後一項錦標葡萄牙盃，決賽對手係葡國三大名門之一士砵亭，相信波圖聯賽煞科日會繼續留力，以免球員受傷削弱下周爭盃機會。
對手拿華位處中下游，實在冇太大爭勝動力。但去到季尾拿華仍能維持一貫作戰心態，近三場聯賽保持不敗係最佳證明。既然波圖缺乏爭勝意欲，今場仲要作客就未必讓得起對手。