今季新開日乙賽事，坊間反應都算唔錯。今日Boomber man就湊熱鬧，同球迷解拆日乙賽事，講周六正午時間舉行比賽，由草津溫泉主場對大阪櫻花。呢隊草津溫泉近期都幾巴閉，計盤已經連贏五口。雖然佢走勢靚，但今次主場對住大阪櫻花票數軟弱冇力，贏波賠率唔硬淨之餘仲要受讓。睇賠率今場草津溫泉隨時斷纜，揀番大阪櫻花「齋Ｗ」方為上策。（周六中午12時開賽）
上輪草津溫泉對住德島漩渦就開平手盤，係人都以為草津溫泉死得，點知佢贏得精彩，作客以三比二勝出。草津溫泉打起強勁勢頭，照計今次返主場唔會差得過對手，不過佢賠率都幾冷落，完全唔似一支連贏五個盤球隊。
其實有一點要留意，就係水草津溫泉今季聯賽主場仲未識贏波，五次主場只得三和兩負未贏過。若果呢條攤路唔斷的話，今場對住大阪櫻花就「擇使」！話晒大阪櫻花都有過日職經驗，加上今季表現又唔錯，要贏草津溫泉唔係難事。
捧大阪櫻花客W
大阪櫻花近四場聯賽取三勝一和不敗佳績，最近一場作客仲以四比一大勝FC愛媛，可見大阪櫻花作客勁抽。而陣中主力球員小松墨近期狀態大勇，連續三場都有「士哥」，宜捧客W。