法甲球隊巴黎聖日耳門正受到降班威脅，爭勝鬥志毋須懷疑。不過球隊質素有限，就算有鬥志亦未必可取得應有回報。本周巴黎聖日耳門主場對第五位球隊聖伊天，基於主隊今季表現失色，根本冇足夠實力向對手讓球，故此聖伊天「讓球客勝」可趁機持有。（周日凌晨２時45分開賽） 

聖日耳門兵疲勢弱  
 
巴黎聖日耳門剛剛進行過法足盃賽事，球員體力或有不足，間接影響球隊護級前途。尤其去到季尾階段，大部分球員體力已不及季初充沛，周中盃賽對聖日耳門影響就更大。另外，聖日耳門今季客勝率比較高，主場出擊反不及作客賽事有把握，要讓球的話就令到投資價值相對地減低。

現時排第五球隊聖伊天，仍有機會取得來季足協盃參賽資格，爭勝鬥志絕不遜於聖日耳門。加上球隊近三次作客聖日耳門都能保持不敗，今場冇理由要受讓。而聖伊天本身狀態又唔算差，自三月初不敵馬賽之後，已連續八場不敗。

近排聖日耳門氣勢疲弱，相信難有機會中止對手不敗氣勢，預期開出「讓球客勝」的機會不低。