|
剛周中北部打贏漂亮一仗雲達不來梅，已經穩奪下屆歐聯入場券，依家只係需要同史浩克04再拗手瓜，睇邊隊可以直入歐聯分組賽。不來梅勢頭好，今晚對漢諾威本來揀主勝好合理，不過小妹覺得佢上場激戰過後，今場仲有兩名主力停賽，捧W有隱憂，所以今仗一樣火藥味濃北部內戰，小妹轉攻入球大細，捧「大」好過！（有線體育台62周六晚9時30分直播）
雲達不來梅近況好，主場成績同樣靚仔，今季聯賽主場十六戰，勝出率高達七成五，剩番百分之廿五原來係輸波！居然從未同對手賽和過，真係「黑白分明」！不來梅呢種進取思維，係小妹睇好今場開大原因之一。
北部打例演入球騷
不來梅今場有防線主力兼隊長包文同中場維蘭積斯停賽，對防守力多少有影響，不過佢主場入球率向來有保證，入波數字乃眾隊之冠，加上羅辛貝治及曉高艾美達復出後表現對辦，配合迪亞高中場靚絕輸送，梗係頻頻有波入啦！因此，不來梅今場好可能入波同失波都會有。即使今場入球大細中位數為三點五球，小妹照捧大。
漢諾威仍有希望參戰足協盃，不過理想歸理想，現實要追都好困難；今季漢諾威唔聲唔聲積極增兵，仲有兩輪賽事，睇要留番下季先發圍咯！雖然話佢大可踢風流波，但因為呢場係北部內戰，所以戰意一定高昂，一樣會搶攻博番個彩；而雙方近五次交手都開入球大，呢場梗係食住上啦！ 友情提示：直接搜索“901”可以快速找到本站，查看更多精彩足球分析。
|
