|
水晶宮、布里斯托城兩支奇兵，今晚英冠升班附加賽碰頭。布城季尾急轉直下，客場成績又唔掂，今晚首回合造訪有「升班王」禾諾克領軍水晶宮，睇怕好難惡得出樣，1.85倍主W抵捧！（now898台及無收費電視998台周六晚7:15直播）
布城今季一度高踞榜首，表現叫人另眼相看，之不過呢支西南部球隊近十一場聯賽贏得兩場，眼白白睇住聯賽錦標、直接升班資格溜走，班球員肯定洩道氣。究其原因，相信同心理質素有關，布城陣中冇球星，突然由茄喱啡變成爭標分子，球員難免承受唔住壓力，表現走樣亦無可厚非，季初氣勢明顯蕩然無存。
自倫敦水晶宮正好相反，禾諾克上年十月上任時隊波仲排緊尾二，呢位前錫菲聯頭領軍下，戰績穩步上揚，季尾十二場波錄七勝四和一負，成功殺上第五位，氣勢、狀態都比布城有過之而無不及。除此之外，水晶宮領隊禾諾克過去曾創下六次升班佳績（史卡堡、諾士郡兩次、哈特斯菲爾德、普利茅夫、錫菲聯），當中有四次係透過附加賽升班，應付呢類賽事似乎特別有心得。
布里斯托城火力弱
再講，布城係前列隊伍入面鋒力最弱隊，無論艾迪保拿搭住李爾查度抑或史堤芬布魯卡都冇乜火花，造訪英冠「防守王」水晶宮肯定冇啖好食！ 友情提示：直接搜索“901”可以快速找到本站，查看更多精彩足球分析。
|
