|
坐六個鐘頭飛機，由東岸波士頓飛到西岸洛杉磯，目的係到洛杉磯銀河主場朝聖睇操練，點知當路雲熱身唔夠十分鐘就話整親離開，跟住碧咸踢分隊賽唔夠十分鐘，就因為射波「射傷自己」騎呢受傷，跟住全程坐埋場邊玩自閉，冇癮提早走人。洛杉磯銀河操練態度超Hea，聽朝主場面對紐約紅牛好難贏，寧願博對家開下盤好過。（now633台周日早上10:30直播）
美國芝華士同洛杉磯銀河尋日朝早Home Depot Center同時練波，態度好唔同，芝華士可以話打開門任人睇，銀河就用布遮住懶神秘，記者唔可以用球員「專用門口」入去，要用番「記者專用」門口進入，保安工夫做到足。除此之外，銀河朝早十點開操，直到十一點熱完身至准記者入去影相，當發現射手當路雲唔在場時候，公關人員就解釋話：「佢有傷，操十分鐘就走。」
銀河練波超Hea撐紅牛
冇當路雲唔緊要，因為仲有咸爺撐住！尋日DB踢分隊賽算落力，周圍走位接應又嗌住隊友提場，但唔知點解，碧咸使出佢衝力射球後就出事，射完個波即刻烏低摸住隻黃金右腳，然後又自己行埋場邊玩自閉，背住記者唔畀人影個落寞樣。可能齋睇悶過頭，DB坐一陣就頂唔順自己行出訓練場，當時練古列治仲緊波，碧咸招呼都唔打個就趁勢鬆人，超級球星果然唔同！
古列治扭波整親頂硬上
同人唔同命，古列治操練期間腳痕人扭波，唔小心騎呢扭親自己，膝頭仲包到成隻咁，不過都頂硬上完成課操練，難怪佢接受訪問時，講兩句有骨說話：「當路雲好小事，碧咸亦冇問題，佢星期日出唔出得？OK啦，今日操練其實好輕鬆。」另外，古列治話銀河同紅牛都鍾意進攻，對碰入球唔會少，如果唔想買下盤同咸爺作對，咪考慮買入球大囉！ 友情提示：直接搜索“901”可以快速找到本站，查看更多精彩足球分析。
|
