國米可取AC讓唔起

唔覺唔覺，英超又踢到煞科戰，至於西甲、德甲冠軍又出台，餘下只係法甲同意甲，如無意外，今日凌晨里昂應該可以跑出實現七連冠。至於意甲，今晚都應該有答案啦！因為國米主場對住錫耶納贏波機會好高，更重要係可以同主場球迷一齊慶祝捧盃，咁嘅場合又點會放過？所以即使讓到兩球，都睇好國米可以大數特數，贏夠三球唔算過份。

至於同市的AC米蘭，目前有六十一分排響第四位，只係一分之差壓着費倫天拿，餘下兩場波真係唔輸得。自從響歐冠盃出局之後，AC米蘭可以專心踢聯賽，表現亦越來越好，但作客拿坡里要讓一球／半球就多咗，以AC米蘭的實力，頂多係贏波輸盤。拿坡里雖然係升班馬，但整體質素唔差，卅六場波之後有四十七分排第九，雖然無緣爭踢歐洲賽，但都希望爭取最好成績；加上對住AC更加唔想輸，鬥心方面好足，受讓得多自然博得過。

推介：國際米蘭勝3:0

            AC米蘭勝2:1