唔少人都會覺得女仔比較細心同黐家，今日係母親節，BA三位孝順女唔單止一早準備好禮物，仲不約而同Book定同媽咪食晚飯添！不過佢提醒讀者，就係唔好淨係母親節先識得花心思，平時都要多關心媽咪同抽時間陪屋企人呀！
細個讀書，老師話只要有心，鐵杵可以磨成針！大個睇電視，話只要有夢想，凡事可成真！蘇超聯球隊些路迪上下肯定都會相信呢個大道理，兩、三個月前，冇人會諗到佢有機會追上死敵格拉斯哥流浪，搶番個蘇超冠軍，不過，依家距離實現呢個願望就只差最後幾步，些路迪同中村俊輔，我支持你呀！
曾經去過意大利踢波中村俊輔，一直以來都係我偶像之一，以前見佢射罰球攻入曼聯大門，就令我知道佢唔只外表吸引，球技仲係真材實料添！近排些路迪佢帶領之下，竟然先後兩勝流浪，由落後一大截，到依家反超前四分，但打多兩場。雖然話想贏冠軍，仲要寄望流浪再失分，但我相信以佢毅力同運氣，一定可以完成後來居上願望。今晚些路迪主場對喜伯年，我一於捧「讓球主勝」幫佢全力打氣啦！
推介：些路迪