雖然今日係英超煞科日，不過我仍然係關心意甲戰情多。國米上仗意外失分，今晚肯定強攻錫耶納不容再失，羅馬主場對住踢風流波阿特蘭大，亦都係冇乜可能唔大勝。
雖然我鍾意羅馬，但理智話畀我聽，佢爭標路上出現只係「假的希望」。不過咁，有呢個「假的希望」刺激下，都夠愛隊今晚主場力爭擊敗阿特蘭大。阿特蘭大冇爭等放暑假，應該好易對付。
錫耶納同樣只係踢風流波，至於國米贏波就可以捧盃，你話國米係咪好難唔贏。錫耶納上仗「爆冷」殺退祖記之後護級成功，我總覺得係祖記「送分」畀「斑馬細佬」，今仗最好唔好寄望錫耶納可以再爆冷。
當然，如果國米今晚真係咁難度高地失分，羅馬又贏波，我就梗係會超開心，但呢一刻唔可以開心得太早！
推介：國米、羅馬