意甲鬥到剩低兩輪，國際米蘭仲未穩袋冠軍，試問今晚主場對住錫耶納仲點會留手，當然以全取三分為目標啦！尤其佢今季聯賽聖西路球場出擊，有七成七比率坐底入兩球或以上，想大破對手唔難，一於捧「讓球主勝」啦！（有線61及64周日晚9:00直播）
錫耶納作客怕強隊
由於國米不過僅僅領先次席羅馬三分，所以佢想捧走聯賽錦標話，今場對錫耶納自然要搏！戰意鮮明以外，其實佢今季有七成七意甲主場賽事可以射入兩球或以上，已經有理由信佢會大捷。再加上射手告魯斯弗爆，連周中意大利盃在內近四仗都有斬獲，配合基斯普同小將巴洛迪利，咁多口大炮，叫對手點頂？
錫耶納雖然上輪聯賽贏過祖雲達斯，不過都係因為主場之利，相反佢作客十分曳，今季意甲只係有三勝七和八負，對住羅馬同費倫天拿呢類聯賽勁旅都吞蛋而回，今仗造訪國米點會走得甩呀！