一隊波除要爭取好成績外，另外亦肩負娛樂球迷重責！維拉利爾現時肯定奪得西甲亞軍，可以話完成一半任務，今晚對愛斯賓奴係球隊本季聯賽最後一次主場出擊，自然要用進攻足球答謝球迷，配合射手尼赫治（右圖前）大勇，有力開出半場勝！
愛斯賓奴當黑
雖然維拉利爾提早贏得聯賽亞軍，不過並唔代表佢會放軟手腳，原因係今仗屬球隊最後一次主場出擊，為答謝佢愛戴，最佳方法當然係踢場好波，所以仍會繼續進取踢法。再講佢近四仗三次開半勝，前鋒尼赫治當中更射入四球，咁狀態要換邊前領先應該唔難。
何況愛斯賓奴近況相當差，近八場得三和五負仲要失十三球之多，作客之下未必頂到半場不失，更重要係「賓佬」呢八仗上半場都無入球，一旦落後實在好難追番，無疑增加維拉利爾開半勝機會！