早排列斯聯上訴失敗，唔番被罰扣十五分，不過士氣並冇受到打擊，煞科戰踢風流波仲反勝基寧咸番個尾彩。今晚佢主場恭候近況低沉兼陣容不整卡素爾，要大勝話咁易，「讓球主勝」可放心捧場！（開賽時間：周二凌晨2:45）
卡素爾殘陣應戰
列斯聯季尾七場波贏六場，狀態弗到爆，守將施漢雖然要坐波監，但雷馬基斯可頂替其位置，影響唔大。最重要係今季轟入二十個聯賽入球碧克福特傷愈復出，無論拍住簡度抑或係鹹魚翻生費列文，卡素爾條後防都肯定有得震，冇得！
貴為英甲主場王，卡素爾主、客場成績可謂差天共地，客勝率竟然唔夠三成。最弊係首席射手加拿因傷收咧，中堅拉雲要停賽，就連以借用身份救亡守將保羅列特都傷埋，以佢近五場聯賽失晒分表現，去到艾蘭路球場可以有乜寄望？