|
撻番副偈重踏勝軌布里斯托城，今晚英冠附加賽準決賽次回合主場迎戰水晶宮，憑住回升狀態，首回合領先二比一主動形勢，加上地利，已立於不敗之地。水晶宮領隊禾諾克出口術求勝，擺明冇計，平手盤安高撐布城！（now898台、無收費電視998台及廣東體育周三凌晨2:45直播）
布城三月初到四月尾十場聯賽僅得一勝，本來咁氣勢，安高真係唔會敢掂，偏偏佢煞科日及時甦醒炒普雷斯頓三蛋，到附加賽準決賽首回合對住水晶宮，作客都可以贏二比一，證明班波已經全面復甦。有狀態之餘，布城上仗鬥水晶宮完場前靠盧保三十碼遠射贏波，肯定大大刺激士氣，球員信心都會返晒！
水晶宮領隊 冇晒板斧
相比起，季尾十二場聯賽錄得七勝四和一負佳績，趕得上附加賽尾班車水晶宮，本來信心十足，點知反而主場輸首回合，信心難免會打折扣。更加令安高擔心，係佢領隊禾諾克一反常態，唔係話諗點樣執番靚隊波，反而走出批評對手首回合贏波之後過分慶祝，咪以為一定可以升班咁話。
聽見禾諾克一鬧，安高感覺係佢已經冇乜板斧，惟有搵對手發爛渣出氣，至於話布城班人更加會打醒百二分精神，唔會想畀禾諾克翻到身。今晚水晶宮焗住攻形勢被動，布城唔難做到坐和望贏。 友情提示：直接搜索“901”可以快速找到本站，查看更多精彩足球分析。
|
