|
今晚曼城體育場爆發歐協盃決賽，由辛尼特大戰格拉斯哥流浪！辛尼特有艾沙維等主力復出，練艾禾卡特又摸清晒對手底細，瓣瓣食住對手，相反流浪呢期仲要惡戰連場體力輸蝕，辛尼特讓平半，捧上盤！（有線14、61及64、廣東體育周四凌晨2:45直播）
辛尼特今屆歐協盃淘汰賽簡直如有神助，先後淘汰維拉利爾、馬賽、利華古遜同拜仁慕尼黑四支歐洲名牌球隊，當中四強次回合更主場輕取拜仁四比○。冇錯，辛尼特今晚有暫以十球同東尼領先射手榜普格恩耶克停賽，但就有王牌艾沙維、前流浪守歷臣及捷克翼鋒拉迪克施爾三大主力復出，三線更平均，普格恩耶克停賽唔會有咩大影響。
辛尼特頭倒戈熟路
再講，辛尼特練艾禾卡特九八至○四年過流浪，對於流浪路數肯定非常熟悉。最重要，係俄羅斯足總為方便辛尼特專心備戰，專登將佢三場聯賽延期，辛尼特亦因為咁可以去到荷蘭同阿爾克馬爾拍跳，雖然係熱身賽，但係辛尼特依然能夠落後兩球下逼和對手二比二，可見狀態同士氣都達至頂峰。
流浪一周三賽頂唔順
相反，流浪今屆歐協盃晉級過程認真悶，淨係識一味穩守突擊，到決賽再用呢招又點會行得通？仲有喎，流浪其實過去七日內踢三場聯賽，休息唔夠四日今晚又要出戰，體力肯定輸蝕，加上今仗有射手丹尼卡辛停賽，中場麥高洛治同查理阿當又因傷上陣成疑，一下唔覺意失波先，肯定兵敗如山倒！ 友情提示：直接搜索“901”可以快速找到本站，查看更多精彩足球分析。
|
