再追侯城納“福”

英超煞科，排名都好正路，“Big4”曼聯、車路士、阿仙奴和利物浦佔據前四，來屆繼續進軍歐冠盃，愛華頓排第五都應該，畢竟今時今日，搞足球，冇龐大金錢支援都幾難搞得起。至於降班，打比創下歷史最羞家的戰績，返回英冠無人覺得佢可憐，伯明翰亦係咎由自取，最可惜係雷丁，最後關頭輸三個得失球，都咪話唔慘，事實證明，要奪標或護級，入得波多好緊要。

今晚，英冠附加賽四強次回合上演，帶着兩球優勢返回主場的侯城再撼無心戀戰兼實力又平平的屈福特，初盤讓平手/半球可以再追。查一查侯城的陣容，班比、科倫、甘保、白賴仁曉士等都係有實力有經驗的球員，首回合作客都可以贏兩球，今次返回主場，贏多場又有何難，平手/半球讓得起有餘。

推介：侯城勝2:1