不萊梅圖“利”冇咁易

歐洲球壇進入尾聲，今晚法甲同德甲都上演煞科戰，其中德甲亞軍係雲達不萊梅，定係史浩克○四將會有答案。不萊梅今晚作客要力保第四的利華古遜真係無乜贏波本錢，初盤平手，和波機會確係好高。

只係多史浩克○四兩分的不萊梅要一勝才能確保亞軍一席，但係排第四的利華古遜只係同五、六、七位的漢堡、禾夫斯堡以及史特加同分，一有閃失，真係歐洲足協盃參賽席位都保唔住。講鬥心，利華古遜唔差得過不萊梅；講近況，不萊梅好好多，但作客始終唔係強項，搏和最合理。

法甲今晚亦上演煞科戰，里昂能否達成七連冠，又或者波爾多後來居上，最後一戰自有分曉。當然，形勢上當然係里昂最有利，畢竟和波都可以，至於意甲冠軍誰屬，明晚亦會有結果，國際米蘭會唔會臨尾香，好快亦會有答案。以國米的實力，作客帕爾馬贏面達七成，如無意外，國米成為三連冠的指數都好高，希望唔會有乜意外啦，如果唔係，教練文仙尼個位好都危。

推介：利華古遜和2：2