|
今晚係德甲煞科，要鬥到最後一刻先至可以肯定歐洲賽同降班名單。論刺激，都係戰意味濃厚直播紐倫堡主場對史浩克04。兩隊各有所需，紐倫堡護級，今季狀態穩定史浩克就爭直接進身歐聯分組賽名額，今場平手盤，小妹寧揀史浩克。（有線足球台61周六晚9時30分直播）
依家三個降班名額已篤定兩隊，最後就睇紐倫堡同比勒費爾德邊隊唔好彩。比勒費爾德只要煞科戰唔輸就肯定甩到身，不過紐倫堡就唔多樂觀喇！
紐倫堡護級唔樂觀
雖然紐倫堡聯賽主場已連續十場不敗，當中仲面對過唔少勁旅，包括打和拜仁同漢堡，不過當時拜仁仲要分心踢足協盃，聯賽又拋離對手幾個身位，有失分空間，漢堡就因為作客表現係幾支前列球隊中表現最弱隊，紐倫堡當時和到佢都唔使咁開心，何況今場就算贏波都未必一定搞掂，前景真係好灰。
至於史浩克到呢刻，仲咬住雲達不來梅唔放，雖然積分同球差都唔及不來梅，但有得博未為輸，今場實砌盡。不來梅今輪作客利華古遜都唔係易過，失分唔出奇，史浩克有機會就梗搏埋呢鋪爭過佢頭啦！
今晚過後，今季德甲就告一段落，小妹有幸成季同各位球迷分享睇德甲喜怒哀樂，真係好開心，祝願各位手風暢順，我球彩台再見啦！ 友情提示：直接搜索“901”可以快速找到本站，查看更多精彩足球分析。
|
