|
繼英超、荷甲同意甲後，法甲亦要鬥埋今晚煞科戰，先知里昂同波爾多邊隊冠軍。雖然里昂得失球佔到極大優勢，今仗和波基本上都99.9%成功冕，但話晒對手係已經上岸歐塞爾，相信里昂都唔會錯過呢三分，為七連霸畫上完美句號，1.57倍客勝咪嫌奀！（now826台及無收費電視26台周日凌晨2:50直播）
榜首里昂暫時以兩分head住波爾多，但由於得失球差比對手多出八個，除非最後一場大敗，否則就算和波，亦好大機會成功冕。相比起以往幾季，今季法甲冠軍對里昂意義重大，事關只要奪標，里昂就會成為歐洲主流聯賽（英、意、西、德、法）史上首支七連霸球隊，唔搏殺就奇！
歐塞爾上岸冇戰意
除此之外，由於里昂亦打入足總盃決賽，有望取得球會史上首次雙冠王，咁大件事，朱楓相信里昂今晚一定全力爭勝，唔畀任何意外出現！陣容方面，里昂今晚除有前鋒高禾停賽外，基本上強陣應戰，再加上對手歐塞爾已成功護級戰意成疑，而且近六次主場對里昂獲一和五負，點睇都冇能力做攔路虎。
朗斯主場坐和望贏
不過講到尾，其實波爾多要反先奪標機會真係唔高，中場雲達爾賽前都話，球隊奪標機會其實只有5%，可見班球員信心只係一般。再講，波爾多今仗都有幾多不利因素，首先前鋒祖斯同中場艾真度阿朗素肯定缺陣，中場麥哥特同門將拉米就上陣成疑。再加上對手朗斯亦要爭分護級，佢家陣因得失球唔及尾四圖盧茲排聯賽尾三。圖盧茲今晚會主場對上岸既華倫西恩斯，到分機會極高，換言之朗斯一定搏命。況且波爾多近六次作客朗斯未嘗一勝，僅得兩和四負，呢鋪平手盤，朗斯可謂坐走望贏格局！（開賽時間：周日凌晨2:50） 友情提示：直接搜索“901”可以快速找到本站，查看更多精彩足球分析。
|
