|
今晚西甲煞科戰，護級形勢極之混亂，其中排尾三薩拉戈薩會作客馬略卡！雖話薩拉今晚贏波即肯定上岸，鬥心唔使懷疑，弊在隊波有前冇後，對住同樣要爭分踢下屆歐洲賽，兼有古爾沙爭神射手馬略卡，與其估邊隊贏，朱楓認為玩「入球大」就最穩陣！（有線61及64周一凌晨0:00直播）
雖然薩拉戈薩目前排尾三，但由於華拉度列同維爾瓦兩支同樣有可能降班球隊，今晚將會互撼，必有一隊失分，換句話講，薩拉今場贏波即肯定成功護級。中場沙柏達賽前表示，全隊球員已當今場係決賽踢，拚死一戰，入波決心絕對爆燈。
奧利華拉古爾沙狀態勇
事實上，薩拉戈薩鋒力的確唔係人咁品，單係一對箭頭奧利華拉同迪亞高米列圖，聯賽就各自有十五球進帳，弊在後防唔生性，今季作客只有兩場冇失波，最慘今晚仲有正選中堅查維亞柏利迪斯停賽，老土講句，隨時前面入埋唔夠後面輸。
馬略卡暫時排第七，今仗只要贏波，而第六位桑坦德失分話，就可以取得下屆歐協盃入場券，戰意絕對唔比薩拉差，何況佢聯賽取得五連勝，近況大勇，可惜佢同薩拉戈薩有個通病，就係防線都咁差，今場更有中場保查華利路停賽，不過佢勝在有前鋒古爾沙狀態大勇，連續六場有波入，為力保神射手之位，相信佢今場一定會加多兩錢肉緊；既然兩隊都有爭分必要，兼有前冇後，試問有咩比1.62倍「入球大」更抵玩！ 友情提示：直接搜索“901”可以快速找到本站，查看更多精彩足球分析。
|
