羅馬得“米”

上季意大利盃決賽，羅馬兩回合以七比四大勝國米捧盃，今季兩隊冤家又再碰頭，失去聯賽錦標的羅馬，當然希望能夠成功衛冕，捧返隻“盃仔”向球迷交代。

羅馬首要任務就是先在主場取得優勢，今晚必定主動向國米搶攻。不過，搶還搶攻還攻，千祈唔好又有球員做“紅牌阿姑”，因為羅馬近四次對住國米都有球員領紅，可想而知，羅馬球員對親國米都咁有火。

分析兩隊踢法，踢進攻足球為主的羅馬較具侵略性，文仙尼及胡斯歷，每次進攻的配合及默契都相當悅目，加上大衛比沙路、阿古蘭尼、迪羅斯及柏路達的純熟配搭，中前場組織能力極具威力，難怪聯賽與祖雲達斯一樣係入球最多的一隊。

相比國米進攻模式比較依賴球員的個人能力，尤其是復出不久的伊巴謙莫域，但講到組織配合，一定唔及羅馬，始終國米一班球星自視過高，喜歡個人表現，經常各自為政，所以講到進攻銳利性，羅馬明顯比較優勝。

雖然羅馬聯賽主場曾經大敗畀國米，但慘敗原因，都因為上半場早段古利被罰離場而影響戰局，今晚羅馬將會決心一報慘敗之仇。

推介：羅馬2：1