歐洲主流聯賽收晒咧，今個周末主要踢盃賽同國家隊熱身賽，肥叔睇好亞洲勁旅日本！日本向來愛面子，主場出擊好少失威，今次召入三個外流球員歸隊爭麒麟盃，擺明有心威。科特迪瓦東來純粹遊埠，戰意唔及對手，平手盤必捧主隊！（有線足球台61周六下午6時20分直播）
肥叔玩熱身賽最重戰意，日本國家隊素以鬥志好見稱，今次頭岡田武史搵埋外流球員幫手，徵召中村俊輔、松井大輔同長谷部誠入伍，其中中村俊輔早兩日同些路迪捧完盃，今場未必趕得切落場，不過佢班土炮都好有料，實力唔曳。科特迪瓦陣中好多球員歐洲搵食，季尾搏到殘晒，今次東來心態同曼城及祖雲達斯相似，大家都係遊埠，平手盤當然捧番主隊啦！
肥叔心水
希臘小讓值博
另外一場熱身賽，上屆歐國盃冠軍希臘同樣為決賽周作最後衝刺，近排佢贏得順，今場對住弱旅匈牙利，讓平半上盤亦可一試。