“土” “烏”和平協議

歐洲國家盃快將開戰，多支決賽周球隊陸續進行多場熱身賽，與葡萄牙及捷克等強隊同組的土耳其，今晚率先約戰南美球隊烏拉圭拍跳，兩隊實力相比唔會相差太遠，而且主隊最主要以練兵排陣為主，盡量避免球員有任何受傷，預料今仗戰況亦唔會過於激烈，最主要友誼第一。

○二年世界盃土耳其奪得季軍一鳴驚人，唔係四強撞到巴西，土耳其分分鐘與德國爭冠軍。自此之後，土耳其的足球水平都保持得相當平穩，陣中部分球員，包括安利、尼赫特、巴斯杜克及艾天托兄弟等都能夠在歐洲球圈打響名堂，證明球員個人技術及質素都有一定份量。講到踢法方面，土耳其同樣以組織性為主，小組地波配合為進攻模式，絕少以高空波或者長傳急攻，始終安利、巴斯杜克與夏美艾天托都屬於技術幼細型，踢法比較柔，所以都幾有觀賞性，球隊唯一不足之處，係球員平均體能較弱，對住南美球隊可能會比較輸蝕。

南美波一向以粗野打法見稱，烏拉圭亦都唔例外，真係唔明土耳其點解會約賽他們？唔通大家講明在先，純屬友賽性質，和氣收場？

推介：和波1：1