奧地利坐和望贏

隨着瑞典擊敗上屆冠軍希臘，今屆歐洲國家盃的十六隊全部亮相，最有冠軍相首推荷蘭，之後就係西班牙，可惜根據賽程，兩隊最盡都係響四強碰頭上演冠軍前哨戰。至於上線的葡萄牙同德國首仗的表現都好好，但未算真正受考驗，從A、B兩組實力計，應該都好難阻止德、葡奪取首名，無可奈何地，兩隊又係會響四強相遇。

今晚比賽又轉返B組賽事上演，由主辦國之一的奧地利再鬥波蘭，兩隊在首場比賽都敗北，要出線，今仗真係唔輸得，初盤作客的波蘭竟然要讓有主場之利的奧地利平手／半球，捧硬主隊坐和望贏。睇奧地利首仗一球輸畀克羅地亞，論發揮真係唔算差，入唔到波係有點冇運，所輸一球更加無得講，反觀波蘭對住德國完全無計，攻守都差勁，又無入波本錢，對住有天時地利人和的奧地利，更加讓唔起，雖然往績方面輸蝕，但主場之利搭救，受讓要追。

推介：奧地利和1：1