今日走去美職搵食，「一哥」新英倫革命作客侯斯頓戴拿模，革命聯賽作客不敗率逾八成，成績非常理想，戴拿模雖然主場未輸過，但對手只屬次級球隊，今次遇隊硬隨時現形，呢場仲要讓平半，梗係捧下盤啦！（周五早上9時開賽）
咁多支美職球隊之中，革命演出係最穩定，作客仲相當對辦，聯賽客場六戰四勝一和一負，難怪可以排緊榜首。今季革命唔再單靠美國國腳泰威文爭取士哥，基利杜比同基斯文都成功分擔入球責任，令到球隊成績穩步上揚，睇落真係幾有冠軍相。
戴拿模開咧初期大脫腳，好彩近期重拾勁旅本色，終於上番前列位置。球隊今季主場保持不敗，不過有一點要注意，佢只係贏科羅拉多急流、紐約紅牛同FC多倫多呢班弱旅，絕對不能作準。今次遇上惡爺革命，讓平半信唔過，捧下盤！
山度士作客腳仔軟
再睇多場巴甲賽事，兩支下游球隊富明尼斯同山度士季初聯賽冇料到，其中排名十七位山度士作客真係衰到冇人有，聯賽三場作客全敗，入一球失八球，完全唔掂！今場富明尼斯有望打開勝利之門，主W分頭唔錯，值得兼顧！