阿根廷受讓要捧

捷克遭到土耳其淘汰，不少評論都話，成也施治，敗也施治。智叻星認為施治只係代罪羔羊，最抵鬧係教練布克拿，六十幾分鐘領先二比○，到七十五分鐘被追回一比二，到連失兩球之前，佢竟然在最後十分鐘內接連換出施安高及柏拉斯爾兩名表現最好的球員，反之調入的維錫克及卡特歷，一個老一個少，一上場就打亂晒原有的節奏，將邊衛的贊古路斯基移入中路防守，結果就係佢做越位走遲一步，讓尼赫特射入反敗為勝一球。咁你話，捷克出局，邊個最抵鬧？

講返今晚比賽，有場世界盃外圍賽大戰上演，兩大世仇阿根廷遭遇巴西，兩隊並非以最強陣容出擊，但阿根廷人腳較佳，即使作客，受讓半球都捧得過。由於要為北京奧運備戰，巴西教練鄧加以賽為練，選入大部分奧運腳，再配合一班主力，問題係卡卡同朗拿甸奴兩名最有創造力的球員缺陣，事實證明，取代兩人的迪亞高一到大賽就踢唔出水準，巴西在近兩場比賽都輸○比二，正好反映巴西球員的狀態和實力。至於阿根廷也未見得好好，但勝在質素高，列基美、美斯和阿古路等都係超班馬，作客巴西根本未驚過，受讓更要捧場。

推介：巴西和1：1