智利委內瑞拉和味濃

繼捷克教練布克拿抵鬧之後，法國的杜文尼治更加抵打，佢竟然將一支九八世界盃和○○年歐洲盃冠軍，○六年仲係世界盃亞軍的球隊搞到分組賽三戰兩負一和入一球失六球積一分包尾出局，仲有乜嘢差得過佢。以法國的人腳絕對唔低於意大利或者荷蘭，弊在杜文尼治保守，怕用新人又唔夠決斷，加上一班老將又唔生性，以至三場比賽用吓果個又用吓果個，結果表現就係變成二流球隊，法國悲慘出局，全拜杜文尼治所賜。

今晚，世界盃外圍賽南美區有場獨腳戲，由委內瑞拉主場對智利，兩隊近況都唔差，亦都冇讓波本錢，所以初盤委內瑞拉開出讓平手/半球，都係捧智利啦。智利上仗作客兩球擊敗玻利維亞後信心大增，往績方面，智利近三仗都係食住委內瑞拉，但友賽擊敗巴西的委內瑞拉繼外圍賽作客守和烏拉圭，狀態同樣不俗，兩隊目前又同積七分，要爭出線就冇失分本錢，和波機會甚高。

推介：

       委內瑞拉和1：1