荷蘭碎“斯”萬段

如果問分組賽最“標青”係邊隊？十個老友都答係荷蘭，“橙衣兵團”今晚又再亮相，呢支令人讚不絕口的熱門球隊，將會以凌厲氣勢搶攻俄羅斯，只要唔失準的話，要入四強“依絲執”！捧場之餘，當然還希望可以殺入決賽，因為荷蘭三場所演繹的進攻足球實在太精彩，三場合共攻入九球，流暢悅目的進攻足球完全表露無遺，甚麼世界冠、亞軍都被打到落花流水，今仗多名攻擊手再度登場，鍾意睇入波嘅球迷今晚絕對不容錯過。

荷蘭進攻威力來自兩邊側擊，唔單止中場的洛賓威力驚人，左閘雲邦賀斯更令對手防不勝防，至於史奈積達、雲佩斯及雲尼斯達羅的入球必殺技，往往令防守球員聞風喪膽，殺得性起的荷蘭即使讓到一球／球半都要捧場。

俄羅斯能夠突圍而出，第一個要讚就係教練軒迪克，雖然首仗敗於西班牙腳下，但對住同等級數的希臘及瑞典，戰術部署及應變都踢出極佳效果。當然亦唔可以抹煞一班球員在場上的表現及鬥心，對瑞典一仗大打積極進取的進攻足球，令瑞典處於劣勢，全場二十二次攻門，輸○比二的瑞典可以話輸得心服口服，不過對手唔同，發揮自然受到限制，今仗對住霸氣十足的荷蘭，講侵略性及埋門一腳，俄羅斯明顯比較輸蝕，能夠守和九十分鐘都當俄羅斯贏。

推介：荷蘭 3：1